我哋都知平時做 BE 生意有幾忙，又要搵客、跟進、開 Team meeting，仲要兼顧自己嘅私人生活，一日 24 小時都好似唔夠用咁。
所以當 ChatGPT、Gemini 同 Midjourney 呢啲 AI 工具一推出嘅時候，真係會減輕咗好多負擔。突然間，你用幾分鐘就可以搞掂成個禮拜嘅 Social Media Post ，或者整到張靚靚嘅 Poster。的確係好正，我哋亦絕對鼓勵獨立經銷商們（IBO）善用科技，Work Smart 啲。
不過，最近我哋留意到網上出現咗個小問題，喺佢真正影響你嘅收入之前，一定要同大家講一講。最近有好多人貪方便，直接用 AI 去生成我哋產品嘅相。
到底點解會咁？當中有咩風險？同埋點樣用幾秒鐘就可以解決？一齊睇睇啦。
當我哋叫 AI「畫」件產品出嚟會發生咩事？
AI 雖然好聰明，但佢根本唔知 BElixz SHIRUTO 嘅實物係點樣，佢只係靠上網睇超過幾百萬個唔同保健品嘅盒去「估」。
所以，當你叫個 App 畫一張 AULORA Pants with KODENSHI® 嘅相，佢通常都會搞錯曬：Logo 串錯字，啲色唔係太過螢光，就係甩曬色咁，包裝上面啲字仲會變到鬼畫符咁，一啲都睇唔出係咩產品。
你可能喺手機個 Mon 度望咗一眼，覺得「差唔多啦」就出 Post 擺上 Facebook。但係你啲 Followers 呢？佢哋實會留意到嗰啲古靈精怪嘅 Detail 位。
「差唔多啦」嘅隱藏代價
我哋行業本質，「信任」就係一切。啲客唔單止淨係買件貨，佢哋肯畀錢，係因為佢哋信得過你，覺得你夠「真實」。
當一個潛在客戶見到一張同官網完全唔同、奇奇怪怪嘅電腦合成相，佢哋就會卻步。佢哋會開始懷疑你賣緊嘅係咪假貨（Knock-off）。更慘嘅係，佢哋會懷疑你到底有冇真係用過件產品，定係純粹出啲呃人嘅 Post。
你辛苦建立嘅形象，如果因為一張求其嘅圖而流失一個客，真係好唔抵。
再講，如果成千上萬嘅 IBO 都出埋啲九唔搭八、包裝扭曲嘅相，只會搞到 BE 品牌嘅 Image 變得好 Cheap。保持一致，先可以 Keep 住我哋品牌嘅高端感。
兩全其美嘅簡單解決方法
大家當然要繼續用 AI 幫手慳時間！我哋只係要將佢用喺啱嘅地方。想你嘅創作內容 Keep 住 Professional？最簡單嘅方法就係「Mix and Match」。
第一，等 AI 搞掂曬啲繁複嘅工作，幫手諗 Caption、Draft Email，或者列出 BE 創業機會（BE Opportunity）嘅優勢。
第二，用 AI 幫你張 Poster 設計一個靚靚嘅 Background，想有一種陽光氣息嘅戶外 Vibe？一個乾淨摩登嘅 Gym 房地下？定係一張高級嘅雲石枱面？全部都可以叫 AI 幫你搭好個靚景。
第三，亦係最重要嘅一步，加返張實物圖落去。你可以自己影張產品相，又或者直接喺 BE 官網 Download 官方嘅高清相。用 Canva 呢啲免費 App 或者手機內置嘅修圖工具，褪走實物相個背景，再直接貼上 AI 背景度。
搞掂！你依家就有一張度身訂造、超級吸睛，而且產品係 100% 真實嘅 Poster 啦。
出 Post 前嘅快速 Check-list
下次撳「發佈」之前，用幾秒鐘望一望：
- 我有冇用 AI 去整啲字同 Background？（做得好！）
- 我有冇叫 AI 去畫件實物出嚟？（如果有，Delete 咗件假產品，換返張實物圖落去。）
- 我可唔可以清楚睇到 BE Logo 同 Label 啲字？
你代表緊你嘅生意，要Keep 住夠 Real，先可以好好保護你辛苦建立嘅品牌，你嘅受眾先會繼續放心信任你，再由你去帶領佢哋嘅健康旅程。
